Lourdes 

Lorda

« La prumèra aparicion, qu’ac èi dit, que’s debanè lo dijaus lardèr, 11 de heurèr 1858, de cap a mieidia e mieja o l’ua òra deu vrèspe ; mes que m’estanqui tà deishar parlar la devinaira. Lo raconte qui segueish, que l’èi entenut dètz còps, vint còps, dilhèu cent còps, de la boca medisha de la petita extatica. Que poish arrehà’u dens la soa esmaventa e innocenta simplicitat en m’i hant tà traduíser quasi mot per mot lo patuès deus Pirenèus, sol lengatge que Bernadeta coneishó.
« Lo dijaus lardèr, que hasè hred e lo temps qu’èra lèd. Après disnar, la mair que’ns disó que n’i avè pas mei de lenha a casa, que se n’atristava. La mea sòr Toineta e jo, tà’u har plaser, que li prepausèm d’anar amassar brancas secas per l’arriba deu gave. La mair que’ns tornè que non volè per’mor qu’èra tròp maishant e que poderem càder tà dens lo Gave. Joana Abadia, la nosta vesia e amiga, qui’s guardava lo son frairòt, e qui avè enveja de viéner dab nosautes, que tornè portar lo son frair a casa e que se’n tornè un moment après en nse díser de qu’avè l’autorizacion de ns’i acompanhar. La mair que’s hasó pregar bèth drin enqüèra, mes en véder de qu’èram tres, que’ns deishè partir. »

Tot lo monde que saben çò qui va aparir a Bernadeta, mes tot lo monde n’an pas avut lo parat de cabussar dens lo raconte dab delicis  dens  « Les souvenirs intimes » deu testimòni Joan Baptista Estrade.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Escotar la version originau

Extrèit de : Estrade, J.-B. .- Les Apparitions de Lourdes, souvenirs intimes d'un témoin , par J.-B. Estrade, … .- A. Mame et fils (Tours), 1908. - Mediatèca André Labarrère – fons ancians – Usina deus Trams (Usine des Tramways) - E 6477.
En linha sus Gallica (édition de 1899)

Galeria Lorda

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.

‹