Lo Pic deu Mieidia de Bigòrre

"Lo Pic deu Mieidia de Bigòrra qu’ei un observatòri naturau deus Pirenèus, hèra plan plaçat quasi au bèth miei de la serrada […]. Lo Pic deu Mieidia qu’ei la mei agradiva de las corrudas qui’s poscan har. Quand òm a coneishut Gavarnia e lo Pic deu Mieidia, òm que coneish las duas causas mei meravilhosas que los Pirenèus e poscan auherir aus curiós. Qu’ei de Varètja estant que l'ascension deu Pic deu Mieidia e’s hè hèra plan ad aise : mensh de quate òras que sobran, a pè, de Varètja tau somiu ; portats a chivau, que s’i puja en tres òras. […].
Deu somiu estant, l’espectacle qu’ei indescriptible ; l'impression qui da la vista de cap a las planas […] qu’ei meravilhosa. De Pau dinc a Tolosa, vilas, arrius o vias herradas, que s’aubiran de com cau. A l'oèst, ua linha mei blua que talhuca l'orizont, e seré la Mar Grana ? {[…] Au revèrs, lo contraste qu’ei sancèr ; d'ua part, lo hons que’s pèrd capvath los espacis luenhècs ; de l'auta, mila pics que’s pitan, termiant l'orizont coma ua varana immensa. […] Lo somiu deu pic qu’ei coronat per un observatòri meteorologic qui ei abitat tot l'an.."

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.