Vignemale

Vinhamala

« En 1869, qu’aprofieitèi de quauques dias suberbèths de heurèr, tà har l'ascension deu Vinhamala (3290 mètres). Qu’arribèi dongas, lo 10, a Gavarnia, shens i trobar briga de nèu. L’ola, cobèrta de glaç deu som dinc au sòu, que lusiva com ua coirassa : totas las soas chorrèras qu’èran torradas : ne s’i entenè pas nat brut, e capsús deus sons peirenhs funèbres e blus, que s’esplandiva l'azur malenconiós d'un cèu polari. Jamei ne m’avè tant pertocat com aqueth quite dia. D'aulhors que’s hasè shuale e pro doç.
Abans sopar, qu’agradilhèi un terrèr dens la vath d'Osson, tà estudiar lo bon biaish de garrapetar au Vinhamala en ivèrn, e que me’n tornèi plen de hidança e d'estrambòrd. Quina poesia, e quin tablèu magic ! N’i entrava pas sonque sorelh, silenci, nèu e blu.... »

Extrèit de Soviers d'un montanhòu peu comte Henry Russell, chafrat « Lo hòu deu Vinhamala », dètz còps que’n hasó l’ascension.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Escotar la version originau

Souvenirs d'un montagnard / par le compte Henry Russell. - Pau : Vignancour, 1878. - Mediatèca André Labarrère – fons ancians – Usina deus Trams (Usine des Tramways) - 101319R.
En linha sus Gallica

Galeria Vinhamala

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.

‹