Pic du Midi d'Ossau

L’Aussau (lo Jan Pèir)

« Dens lo patuès deu país que l’apèran lo Pic de las Tres Serors, mais tanben, las Tres Herrors. Que serveish d’arrelòtge a tot lo parçan qui senhoreja ; los poblants ensenhant l’òra per la posicion de las ompras portadas per las bèras puntas deu Pic.
La hautor a l’ensús deu nivèu de la Mar Grana qu’ei de 3062 m d’autes que disen 2,885 mètres :
Palassou lo naturalista qui non pugè sonque au 2/3 deu mont que ditz, pagina 76 de « Ses observations sur les Pyrénées » de cap a l’Aussau « Que soi solide de que la miura en massa, mesclada de porchir, lo granit huelhetat e l’esquist argelós, que constitueish la massa sancèra deu Pic d’Aussau. »
Ramond, eth que ditz « lo Pic qu’ei de miura a la sòla, e que sembla de qu’ei calcari au som. »
M. Stuart [Stewart], inglés, qui demora a l’acostumat a Pau, hèra bon amator fotografa, qu’a hèit ua fotografia deu Pic deu Mieidia d'Aussau, en plaçant la soa atruna qui ei hèra hòrta, e hèra bona, tanben… que l’a poduda portar. Aquera fotografia, qui representa dongas lo somiu deu Pic, que’n balha admirablament los detalhs ; çò qui amuisha l'esprava hèra curiosa qui boti ací en dret, e qui pròva, quau partit, la geologia, autan plan com la pintrura e pòt tirar de l'art admirable de la fotografia.
Lo croquís hèit per Gaston Sacaze, e la fotografia de M. Huart qu’explican quin no’s tròba pas nèu au somiu deu Pic : la gran regdor de Penents non permet pas a las nèus de s’està’i longtemps, mes quan s’agradilhan las soas prumèras rampas, que la se trebucan de d’òra e que s’està au nòrd e dens las caus dinc au mes de julhet »

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Escotar la version originau

Extrèit de : Houbigant,  Armand-Gustave. - Journal de voyage de Paris aux Eaux-Bonnes [Jornau d'un viatge de París tà las Aigas Bonas] / Armand-Gustave Houbigant [manuscrit]. - 1841-1854  - Mediatèca André Labarrère – fons ancians – Usina deus Trams (Usine des Tramways) - MI 34.
En linha sus PIRENEAS

Galeria L’Aussau

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.

‹