"Los Espanhòus que devèn hornir a la garnison dus dias d’avitatge e los mejans de carrejar los papèrs e los bagatges dinc a França. A l'arribada de la colona a Canfranc , qu’estó obligada de passà’i la nueit, lo port qu’èra impracticable per’mor de la neu caduda los dias precedents. Los miòlos dats entau carrei deus bagatges qu’èran estats descargats a la lor arribada dens aqueth vilatge, puish renviats ; l’endedia qu’arrefusèn de’n balhar d’autes. Los guerrejaires d'escòrta e los poblants qui semblavan d’escapsa tà atacar los Francés desarmats e a repartí’s las lors despulhas, aquestes que credón prudent, après mila trebucs tà passar lo pòrt de Canfranc e arribar a Urdòs. Entà sauvar la comptabilitat deu 14au esquadron, lo capitani Foison que la repartí enter tots los gendarmas ; qu’estó tornada constituir mei tard e que’s tròba uei lo dia aus archius admistratius deu ministèri de la guèrra.
La plaça de Jaca tornada, non demorava pas nat Francés en Aragon."

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Extrèit de : Martin, Emmanuel (1852-1927). - La gendarmerie française en Espagne et en Portugal (campagnes de 1807 à 1814) : dab un exposat de las operacions militaras hèitas dens las províncias deu nòrd de l’Espanha per las nostas armadas, las tropas regularas enemigas e las guerilhas espanhòlas, d'après los archius deu ministèri de la guèrra, los archius nacionaus e autes documents manuscriuts o imprimats / par Emm. Martin, … .- Léautey (Paris),  1898.
En ligne sur Gallica