Argelès

Arguilèrs

"Un causa que hè gran tòrt a la « genta ciutat » d’Arguilèrs, au moment que i entram qu’ei l’espectacle estramosent qu’avem devant los uelhs de l'auta part de la vila. Enlòc enqüèra ne s’i ei vist a dessenhà’s tan largament  lo triple estatge deus monts.
Lo penent qui devara de cap tà la vath qu’ei entapissat d'un immense e superbèth boscatge, format de vint esséncias d'arbos, tots centenaris la blancor deus beròis ostaus que’s destaca au demiei deus huelhars. Capsús, ua vielha torn bastida per Centoth III, comte de Bigòrra, loquau e vivè a las fins deu sègle XIIau, e lo grope interessant de Sent Savin, l’arròca de la Pietat ; puish, la rota de la hauta vath d'Asun, la mei romantica de las sèt deu Lavedan, tot un massís de hautors sauvatjas on los Romans, ce disen, e descobrín e espleitèn minas d'argent e d'aur ; l'entrada de la canau de Cautarés ; enfin, eth Viscòs, le gigant d’aqueth parçan deus Pirenèus, e la soa manta de neu. Qu’ei totun ua beròja vilòta qu'Arguilèrs, dab las soas maisons de balets. Que s’i arreconeish un aire gran d'aisia e de simplicitat, los borgés que i van dab lo bonet blu, com lo monde deu pòple d'aulhors, que s’i comptarén dilhèu mensh de monde deu país que non pas d'Englés. Arguilèrs qu’ei ua estacion de prima, com Cautarés ei estacion de gran estiu, Biàrritz, d’abòr ; Pau, de plen ivèrn. Los insularis qu’an arreconquesit lo país, com deus temps deu Princi Negre ; mes qu’ei, qu’ac cau díser totun, dab armas mei cortesas. Que’u hèn víver, en plaça de’u devorar. Solament que pita tostemps un problèma devant los nostes uelhs, a nosautes Francés aqueths viatjaires etèrnes.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Escotar la version originau

Extrèit de : Les Pyrénées françaises. Lourdes. Argelès. Cauterets. Luz. Saint-Sauveur. Barèges / par Paul Perret ; ill. de E. Sadoux / H. Oudin (Paris) , 1881-1884 / Mediatèca André Labarrère – fons ancians – Usina deus Trams (Usine des Tramways) - 100659R.
En linha sus Pireneas

Galeria Arguilèrs

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.

‹