Luchon

Banhèras-de-Luchon

"Qu'arribam. Hens la gara, ua troperada ; pièlas de caishas e malas qui rotlan e esglaishan los pès ; Inglesas qui coren, cargadas de valisas aus còrns de cobre que'vs en·honsan hens las còstas ; mainats esvarjats qui cridan ; factors qui passan en horragan tot ; emplegats shords quand eu's aperam, mes pas muts, arnegan com carretèrs enclotats ; au devans de la gara, un calhavari in·hernau ; calèchas, omnibus estruçats au ras deu cai ; grans pendards, gascons, com lo noste ostalèr, caperats de grans capèths dab ribans tricolòrs, en agitant freneticament longs bastons au cap deus quau ua sòrta d'aparelh en fòrma de tambor basco pòrta lo nom de l'ostau que serveishen en letras roja ; que'us cau enténer cridar los proclams : Mossur, ça-vietz ací, a l'ostau d'Inglaterra. – Mossur, per aquiu a l'ostau de Francia. - Mossur, non i a pas que l'ostau Saccaron d'indépendent! - Que'vs agarapan, e que'vs pòrtan au lor omnibus. - E nosautes, ne'ns apartienibam pas mèi ; qu'èram culhits.
Las calèchas e los omnibus que s'abranlan. Tot aqueste brut e tota la herralha que s'en·honsan devath los bèths platanas qui ombrejavan l'unica carrèra deu barri de Barcunhas qui amia de la gara a la vila.
Las maisons baishas deu barri qu'èran envelopadas de l'umiditat devuda aux arbos. Que traucam un pont jetat sus l'Ona, nèsta de las hautas montanhas qui baisha deu lac d'Oô e qui pareish sauvatge ;  qu'atraversam lo vielh Luchon e qu'arribam sus las famosas leas d'Etigny, coneishudas de tota l'Euròpa."

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Extrèit de Les Pyrénées et leur légende, par Paul Perret / Paris : Société française d'imprimerie et de librairie / Médiathèque André Labarrère – fonds anciens – Usine des Tramways - cote 45692R.
En ligha sus Gallica (edicion de 1897)

Galeria Banhèras-de-Luchon

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.

‹