« Quan an passat lo pont deths Darrocats n’èm pas qu’a un quart d'òra de Ièdra, duas montanhas que s’estrèman còp sec, que descobritz ua causa de non pas créder. Qu’avetz dilhèu visitat los Aups, las Andas, las Cordilhèras ; qu’avetz despuish uas setmanas espiat los Pirenèus ; per aver vist çò qui avetz vist, çò qui vedetz adara non sembla briga a çò qui avetz trebucat dinc adara. Dinc ací, qu’avetz vist montanhas ; qu’avetz contemplat excrescéncias de totas tracas, de totas hautors ; qu’avetz explorat tucas verdas, penents de gneiss, de marme o d’esquist, de periders, de soms arredons o dentelats, launèrs, avedats mesclats a nublas, agulhas de granit, agulhas de glaç ; qu’ac torni díser, n’avetz pas vist enlòc çò qui vedetz adara. Au demiei de las corbas capricantas de las montanhas ariçadas de caires bistòrts e de caires aguts, sobte qu’apareishen linhas de las dretas, e combinats de tau faiçon que lo lor conjunt que balha ua figura esclatanta, reau, embevuda d'azur e de só, d'un objècte impossible e extraordinari. E seré ua montanha ?  […] Ua murralha ? Qu’ei ua montanha e ua murralha en medish temps ; qu’ei l’edifici mei misteriós deus mei misteriós deus arquitèctes ; qu’ei lo colosseum de la natura ; qu’ei Gavarnia. »

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Escotar la version originau

Quí, a despart de  Victor Hugo, auré podut descríver atau l’ola de Gavarnia ? Descobritz, tornatz descobrir :
Hugo, Victor. -  En voyage : Alpes et Pyrénées. - Paris : Hetzel, 1890. - En linha sus GallicaMediatèca André Labarrère – fons ancians – Usina deus Trams (Usine des Tramways) - E6164.
En linha sus Pireneas