Barèges

Varètja

«  De segur que s’ei vist a Varètja un arramat de balas de plom e tròç de vestits que los militars, nafrats en combatejant entà la lor patria, i deishèn, e qui son autant de monuments de la lor valor e de la vertut de las aigas. Un deus braves qu’estó tocat a la maishèra per ua bala de plom ; la plaga qu’estó barrada, shens avisà’s au còs estrangèr que s’i trobava. Lo malaut qu’avó despuish grans sagnaments deu nas, que vienó a Varètja tà se’n guarir. Las aigas que balhèn en prumèras ua gran evacuacion de sang peu nas, e a-puish la sortida de la bala qui s’èra problable hicada dens quauque sinus ; e lo nafrat qu’estó atau perfèitament guarit. Un aute que recebó au costat dret deu piet, ua bala qui non toquè pas sonque los muscles, shens macar la cavitat deu piet, ni las còstas. Que s’i vedè duas plagas : l'ua anteriorament e l'auta posteriorament ; l'ua e l'auta qu’èran beròi cicatrizadas quan aparín sòrtas de dolors rumatismaus dens tot lo costat nafrat. Las dochas e los banhs de Varètja que tornèn obrir l'ua de las cicatriças, e que’n hasón sortir la bala : çò qui tornè au malaut la santat. Ua gojata que vienó a Varètja tà’s har guarir d’ua ulcèra plaçada au costat dret deu piet, e que credèn aver nafrat las còstas : las aigas que tirèn de l'ulcèra ua agulha de hèr e que tornèn a la gojata  la santat. »

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Escotar la version originau

Arretrobar d'autes exemples de guarisons extraordinàrias en léger :

Bordeu, Théophile de (1722-1776). -  Recherches sur les eaux minérales des Pyrénées, per M. Théophile de Bordeu - É. Vignancour (Pau), 1833. – quòta : Mediatèca André Labarrère – fons ancians – Usina deus Trams (Usine des Tramways) - 84449 R.

En linha sus Gallica

Constituitz un grop e ça-vietz descobrir a l'Usina deus Trams lo famós manuscriut deu jornau de Varètja.

Galeria Varètja

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.