L'Usina deus trams electrics

Omnibus à cheval

Lo hialat deus trams electrics de Pau qu'ei vadut le 1er de noveme de 1900 : que pertocava duas linhas, espleitadas per la Societat bearnesa deus trams urbans (SBTU).


Pau : Omnisbus a chivau, 1897-1900, Mediatèca intercomunau André Labarrère, Pau, PHA11

Qui parla de trams electrics, parla de produccion d'electricitat! La SBTU que hasó  doncas bastir en 1899-1900 ua estacion centrau equipada de duas maquinas a vapor d'ua poténcia de 150 chivaus cadua qui alimentava lo hialat au truvèrs de cables aerians. Totun, quauques annadas mei tard, la Societat que realisè que seré mei arrentau  tà d'era de crompar l'electricitat a la Societat Electrica deus Pirenèus de la quau usina qu'èra plan pròche : lavetz en 1904, l'usina que deishè definitivament la produccion.

Usine des Tramways autrefoisA costat de l'usina, un long bastiment abrigaba aplecs e talièrs. Un tresau bastiment, uei desapareishut, abrigaba los burèus de la direccion locau de la SBTU, cargada de la susvelhança de l'espleitacion e de l'entertien deu hialat e deu materiau. Desclassat en 1928, lo hialat de trams sera remplaçat en 1931 per un servici d'autobús urban. Los locaus que seran alavetz utilisatz com garatge deus autobús dincas 1985.


Usina deux trams, 1910, carte postale, Mediatèca intercomunau André Labarrère, Pau, 1-075-1

 

  • Français
  • Anglais
  • Espagnol
  • Allemand
  • Occitan

Despuish lo baloard ...

Horizons qu'estó realizada merces au concors de la Fabrica de la Banca Numerica deus Sabers en Aquitania.

Lo projecte qu'èi portat per la Communautat d'agglo Pau-Pireneus.